Облыстық соттың баспасөз қызметінің мәліметі бойынша, 53 жастағы қала тұрғыны М.Жүсіп көшесінде мысықтарды ауладан қуып жібермек болып тас лақтырған. Алайда тас көршісіне тиіп, денсаулығына қасақана жеңіл дәрежеде зиян келтірген.
«Сарапшының қорытындысына сәйкес азаматшаның маңдай тұсында жарақат болған. Сотта азамат өзінің кінәсін мойындап, жасаған ісіне өкінетінін айтты және мысықтарға тас лақтырған кезде кездейсоқ көршісіне тиіп кеткенін түсіндірді», дейді баспасөз қызметінде.
Сот қала тұрғынын Әкімшілік кодекстің 73-1-бабының 1-бөлігіне сәйкес кінәлі деп танып, мемлекет кірісіне 30 629 теңге көлемінде айыппұл түріндегі жаза тағайындады.
Сот қаулысы заңды күшіне енген жоқ.
