Оқиға • 18 Мамыр, 2021

Алматыда көпқабатты үйден өрт шықты

9 рет көрсетілді

Алматыда көпқабатты үйден өрт шығып, 20 адам эвакуацияланды, деп хабарлайды Egemen.kz.

17 мамыр күні түнгі сағат 22:44 -те Алматы қалалық ТЖД кезекші «101» пультіне Түрксiб ауданы Спасская көшесi № 63 үйден өрт шыққаны туралы хабарлама түскен.

«Өрт сөндіру бригадасы келген кезде 3 қабатты тұрғын үйдiң балконы шатырға тарап 300 шаршы метр аумақ өртеніп кетті. Барлық пәтерлерге қызыл жалынның таралу қаупi туындады. Жедел штаб құрылып, өрт оқпандары берiлдi, aвтоцистерналар өрт гидранттарына орнатылды. Газ-түтiннен қорғау қызметiмен пәтерде адамдардың бар жоғына барлау жүргiзiлiп, 20 адам эвакуацияланды, оның ішінде - жетеуі бала», деп хабарлайды ТЖД.

Қабылданған шаралармен өрт 37 минутта оқшауланып, 23:56 минутта толық сөндірілді.

Өрттi cөндiруге жеке құрамнан 74 адам және 21 бipлiк техника жұмылдырылған.

 

 

Соңғы жаңалықтар

Доллар қымбаттады

Қаржы • Кеше

Ұқсас жаңалықтар