Оқиға • 18 Мамыр, 2021

ШҚО тұрғынының шұлығынан есірткі табылды

13 рет көрсетілді

Есірткіні шұлығына жасырған ШҚО тұрғыны ұсталды, деп хабарлайды Egemen.kz.

ШҚО Полиция департаментінің баспасөз қызметінің мәліметінше, шекаралық бақылау бекетінде Шемонаиха қаласының 54 жастағы тұрғынын тексеру барысында қызметтік ит есірткі болуы мүмкін деген белгі берген. 

Тексеру барысында жолаушылар терминалының үй-жайындағы еденде спецификалық иісі бар қоңыр түсті өсімдік тектес заты бар қағаз түйіншек тәркіленді. Жеке тінту барысында тағы бір қағаз түйіншекті шұлығына жасырғаны анықталды.

Сараптамаға сәйкес, салмағы 5,64 грамм шығатын заттың кептірілген марихуана екені анықталды.

Аталған факті бойынша Қылмыстық кодекстің 286-бабы 1-бөлігі бойынша сотқа дейінгі тергеу амалдары жүргізілуде.

Соңғы жаңалықтар

Доллар қымбаттады

Қаржы • Кеше

Ұқсас жаңалықтар