Еске сала кетейік, 13 мамырда Алматы облысы Боралдай кентіндегі аялдамада екі әйел 16 жастағы қызды ұрып-соққан. Жасөспірім алған жарақаттарына байланысты Алматы қаласындағы балалар ауруханасына жеткізілді.
Осы орайда қылмысты ашу үшін жедел-тергеу тобы құрылып, полицейлер күдіктілерді Алматыдан Боралдай ауылына жеткізген такси жүргізушісін қолға түсірді. Тәртіп сақшылары 25 пен 40 жас аралығындағы әйелдерді ұқсас белгілері бойынша тексеріп шыққан.
«19 мамырда Алматыда өткізілген жедел-іздестіру шаралары нәтижесінде полиция қызметкерлері 27 жастағы жергілікті тұрғынды ұстады. Ол дәлелдер ұсынылғаннан кейін өз кінәсін мойындады. Оқиғаның екінші қатысушысы, Еңбекшіқазақ ауданы Бәйтерек ауылының 30 жастағы тұрғыны екені анықталды. Оны ұстау бойынша шаралар қабылданып жатыр», деді департамент өкілдері.
