28 Сәуір, 2010

ҚАЗАҚЫ ЖОЛМЕН ҚАМҚОРЛЫҚ ЖАСАСАҚ

432 рет көрсетілді
Өткен қыс малды ауылға өте ауыр болды. Сақылдаған сары аяз бен ақ түтек боран кезек ал­масып, елдің есін шығарды. Асыға күткен көктем басының өзі жайсыз тигені мәлім. Алматы облысының Қы­зылағаш ауылын­дағы, одан кейін Шығыстың Тарбағатай өңіріндегі табиғат апаты салдары алыстағы біздің де жанымызға қатты батты. Төрт түлік қазақтың ежелден күн­көріс көзі. Малдың тосын шы­ғыны қашанда зор зардап болған. Бауырларымыз  басына түскен ауыртпалықты осындай шақта бірге көтермесек  ағайын­ды­ғымыз қай­сы. Тәубе, бұған дейінгі жылдарға қарағанда бү­гінгі  жағдайымыз шү­кіршілік. Қазақы таза ниет-пейіл таны­тылатын кез-ақ қой қазір. Рас, Үкімет су тасқынынан зар­дап шеккендерге барынша көмек жасап жатыр. Азық-түлік, киім-кешек, құрылыс материал­дары жағынан кемшін жоқ сияқты. Ал мал шығыны орнын толтыруға келгенде қиындық бар ма деп ой­лаймыз.  Әуелде  түлік түрін сатып алуға төменгі пайыз­бен несие берілетіндігі айтылды. Бұдан соң сақтандырылған мал­дың ғана құны өтеледі делінді. Өз өмірін сақ­тандыруға самар­қау қарайтын қазақ қорадағы малын сақтан­дырушы ма еді. Осы орайда айтпақ ойымның  түйіні мынадай.Үкімет өз тара­пынан жәрдемін жасай берсін. Ал біз қиындыққа тап болған аға­йындарымыз алдына  бабалар үлгі­сімен мал салып бергенді жөн көреміз. Мәселен, иелігінде 100 жылқысы немесе 100 сиыры бар шаруа қожалығы тиісінше 1 байтал, 1 құнажын, 300 қойлы фермер 10 тұсақ ұсынса дейміз.  Өзім Тарбағатай ауданындағы Жантікей ауылы тұрғындары қолына 20 тұсақ тапсыруға ойым бар. Қар­қа­ралылық Қайдар Бу­рабаев, Разақ Әлин, Тұрар Ахмет­шин, Бағдат Шахмерденов­тей әрдайым жұртқа жанашыр ағаларым  менің осы ұсынысым­ды қолдап отыр. “Көп түкірсе көл” деген халқымыз. Мұндай қамқорлықты жаппай көтеріп әкетсек, бауырларымыздың жағдайы тез оңалары талассыз. Аспандияр СЕЙСЕНҰЛЫ, “Арқа таңы” шаруа қожалығының жетекшісі. Қарағанды облысы, Абай ауданы, Ақбастау ауылы.
Соңғы жаңалықтар

Өндіріс өркендеген өңір

Аймақтар • Бүгін, 22:30

Жамбылдың жарқын бейнесі

Өнер • Бүгін, 22:20

Шырқау шыңы Шоқанның

Руханият • Бүгін, 22:10

Маэстроның шеберлік сабағы

Театр • Бүгін, 22:08

Amazon қандай мүмкіндік сыйлайды?

Технология • Бүгін, 21:47

Ұқсас жаңалықтар