Аймақтар • 25 Мамыр, 2021

Батыс Қазақстанда коронавирус жұқтырғандардың саны азайды

164 рет
көрсетілді
1 мин
оқу үшін

Батыс Қазақстан облысында COVID-19 жұқтыру деңгейі азайды. Бұл туралы өңір әкімі Ғали Есқалиев айтып берді, деп хабарлайды Egemen.kz.

Батыс Қазақстанда коронавирус жұқтырғандардың саны азайды

«Өңірдегі эпидемиологиялық жағдай жіті бақылауда. Соңғы аптада 658 жұқтыру фактісі анықталды. Алдыңғы аптамен салыстырғанда науқастар саны 9%-ға азайды. Облыстың екі ай бойы қызыл аймақта орналасқанын ескере отырып, аудан тұрғындарының облыс орталығына келуін азайту үшін 1 мамырдан бастап 14 күн бойы Орал қаласы мен қызыл аймақта орналасқан 6 аудан периметрі бойынша блок бекеттер орнатылды», деді Ғ.Есқалиев Орталық коммуникациялар қызметінде өткен баспасөз мәслихатында.

Әкімнің айтуынша, бұл шаралар облыс орталығына тұрғындар ағынын 35%-ға азайтуға және бұқаралық іс-шаралардың өтуіне жол бермеуге көмектескен. Нәтижесінде, сәуір айында ауру көрсеткіші тәулігіне 200-250-ден тіркелсе, мамыр айында – 90-100 жағдайға дейін төмендеген.

«Мониторинг топтары 1 мамырдан бастап 179 рейд жүргізді, 965 нысан тексерілді. Жоғарыда атап өткенімдей, эпидемияның жаппай таралуына жол бермеу үшін Үкімет бірқатар шара қабылдады, соның арқасында жағдай бақылауда ұстап отырмыз», деді Ғ.Есқалиев.