Медицина • 01 Маусым, 2021

Дәрігер вакцина құжатының қағаз нұсқасын қалай алуға болатынын айтты

935 рет
көрсетілді
1 мин
оқу үшін

Алматы қаласындағы №36-шы емхананың бас дәрігері Гүлжанат Тілеген вакциналау паспортының қағаз нұсқасын қалай алуға болатынын және бұл жүйе не себепті енгізілгенін кеңінен түсіндіріп берді, деп хабарлайды Egemen.kz

Дәрігер вакцина құжатының қағаз нұсқасын қалай алуға болатынын айтты

Қағаз нұсқадағы вакциналау құжатына арнайы QR код басып шығарылады екен.

«Бізде 65 жастан үлкен адамдар, созылмалы аурулары бар және диспансерлік есепте тұрған адамдар көп. Көптеген адам смартфонды пайдалануды білмейді. Мұндай адамдарға қағаз жүзіндегі вакцина куәліктері көмекке келеді», деді Гүлжанат Тілеген.

Осы орайда қағаздан анықтама алу үшін азаматтар вакцинация пунктіне немесе емханаға жүгінуі керек.

«Паспорттың қағаз түрі «Вакцинацияның бірыңғай базасы» арқылы беріледі. Бұл мәліметтер базасында медициналық мекеменің қызметкері адамның ЖСН енгізіп, вакцинация туралы қажетті мәлімет таба алады. Логин мен парольге ие дәрігер немесе мейірбике қызметкерлері ғана мәліметтер базасына қол жеткізе алады», деді дәрігер.

Сонымен қатар ол қағаз вакцинация паспорты QR-кодпен рәсімделеді, оны сұраныс орны бойынша кіре берісте сканерлеуге болады.

«Кез келген адам егу төлқұжатын eGov мобильді қосымшасы арқылы жүктей алады, оны қарау үшін ЭЦҚ кілті қажет емес, бірреттік құпия сөзді SMS арқылы енгізу жеткілікті, бірақ телефон болуы қажет ЖСН-мен байланыстырылған және сертификат вакцинация базасы арқылы, вакцинация модулі арқылы беріледі. Бұл жалғыз айырмашылық. Бұл смартфондарды қолдана алмайтындарға және қосымшаға қол жеткізе алмайтындарға ыңғайлы», деді спикер.

Вакцина паспортының қағаз нұсқасы 1 маусымнан бастап беріле бастады. Бүгін аталған емханадан төрт адам алды.