Тәртіп сақшылары азаматтарға қылмыс жасаған күдіктілер туралы ақпарат білсе ішкі істер органдарына хабарласуын өтінді. Іздеуде жүргендердің арасында шетелдік азаматтар да бар.
Мәселен ақша ұрлады деген күдікке ілінген 28 жастағы Ресей Федерациясының азаматы іздеуде жүр. Күдіктіге ҚР Қылмыстық кодексінің 188-бабының 1-бөлігі бойынша қылмыстық іс қозғалды.
Егер іздеуде жүрген адамның кінәсі дәлелденсе, оған үш жылға дейінгі мерзімге бас бостандығын шектеу және мүлкін тәркілеу жазасы енгізіледі. Ішкі істер департаменттің жеке құрамы аталған қылмыскерлерді іздеуге бағытталған.
Күдіктілердің суреті әуежайда, теміржол және автобекеттерде орналастырылған.
