![Оралда көпқабатты үйден өрт шықты](/media/2021/06/05/210605114004527e.jpg)
БҚО ТЖ департаментінің баспасөз қызметі мәліметінше, оқиға 5 маусым күні сағат 03.49-да Ружейников көшесі 9-мекенжайда орналасқан бес қабатты үйде болды. Екінші қабаттағы №35, №38, №39 пәтерлер жанды.
Оқиға орнынан ТЖ департаментінің күшімен 5 адам құтқарылды. Оған қоса 39 адам эвакуацияланса, соның 19-ы – бала. Оқыс оқиғадан ешкім зардап шекпеді. «Тілсіз жау» сағат 05.10-да толықтай ауыздықталды. Оны сөндіруге 35 қызметкер 12 техника жұмылдырылды.