Ташиевтың айтуынша, кеше тәжік тарапымен келіссөздер нәтижесіз өтті. Сондықтан қырғыз билігі Ош облысының Чон-Алай ауданының бірнеше ауылының тұрғындарын қауіпсіз жерге эвакуациялауды ұйғарған.
«Кеше біз Тәжікстанның шекара маңындағы мәселелер жөніндегі мемлекеттік комиссиясының басшысы генерал-полковник Саймумин Ятимовпен келіссөздер жүргіздік. Кешегі келіссөздер нәтижесіз болды, сондықтан біз тұрғындарды эвакуациялауға мәжбүр болдық. Бүгінгі кездесу Бішкек уақыты бойынша сағат 13.00-де аяқталды. Мәселе оң шешімін тапты деп айта аламын. Біз бірлесіп 7-8 тармақтан тұратын хаттама қабылдадық. Екі сағатта оларды жариялаймыз», деді Қамшыбек Ташиев.
Ол қырғыз әскерлерін шығару, сондай-ақ эвакуацияланған тұрғындарды үйлеріне қайтару бойынша бұйрық шығаратынын айтты.
«Біз қол жеткізген уағдаластықтарды бұзбадық және алдағы уақытта да бірлесіп қабылданған келісімдер шеңберінде әрекет етеміз», деді Қырғызстан МҰҚК басшысы
