Облыстық полиция департаменті баспасөз қызметінің ақпаратына қарағанда, мұндай дерек 7 маусымнан бері өткізіліп жатқан «Автобус» іс-шарасы кезінде тіркелген.
«Бұл іс-шараның мақсаты – облыс аумағында жолаушылар көлігі жүргізушілерінің тарапынан жол қозғалысы ережелерін бұзуды анықтау. Өйткені, жолда жүрі ережесін сақтамай, жолаушылардың өміріне қауіп төндіретін жүргізушілер бар», дейді облыстық полиция департаментінің бастығы, полиция полковнигі Қамза Үмбетқалиев.
Оның айтуынша, полиция қызметкерлері екі күнде 199 бұзушылықты анықтапты. Оның ішінде жолаушыларды, багажды және жүктерді тасымалдау қағидаларын, маневр жасау ережелерін бұзу, тиісті рұқсатсыз қайта жабдықтау, техникалық байқаудан өтпеу, рульде телефонды немесе радиостанцияны пайдалану, жылдамдықты арттыру бар.
Ал, үш автобус айып тұрағына қойылды. Жол ережесін бұзған жүргізушілерге қатысты әкімшілік хаттамалар толтырылды.
