Қазақстан құрамасынан әйелдер арасында 55 келіге дейінгі салмақ дәрежесінде Зульфия Чиншанло, ал ерлер арасында 61 келіге дейінгі салмақта Игорь Сон ел намысын осы жаздың басты бәсекесінде қорғайды.
Іріктеу кезеңінде 3628,3941 ұпай жинаған Зульфия Чиншанло әлемдік рейтингтің төртінші сатысында тұр. Игорь Сон 3015.0319 ұпаймен тоғызыншы орынға жайғасқан. Қазақстандық ауыр атлет Токио Олимпиадасына құрлықтық квота бойынша жолдама алды.
Естеріңізге сала кетейік, халықаралық федерацияның шешімі бойынша 2008-2020 жылдар аралығында допингке қарсы ережелерді 20-дан астам бұзған елдер Токио Олимпиадасына екі спортшыдан ғана (бір әйел және бір ер) жібере алады. Бүгінде Қазақстан қоржынында Олимпиада ойындарына спорттың 26 түрінен 69 лицензия бар.
