Аймақтар • 13 Маусым, 2021

Есілден сегіз жасар қыздың денесі табылды

57 рет көрсетілді

Солтүстік Қазақстан облысында жоғалған 8 жасар қыздың денесі 5 күннен кейін Есіл өзенінен табылды, деп хабарлайды Egemen.kz.

Бүгін таңертең сағат 7-ден 35 минут кеткенде Есіл ауданы Покровка елді мекенінен 7 шақырым жерде жедел-құтқару жасағының қызметкерлері 8 жасар қыздың денесін Есіл өзенінен алып шықты.

2012 жылы туған қыз 8 маусым күні Покровка ауылында жоғалып кеткен еді. Қыздың мүрдесі сот-медициналық сараптамаға жіберілді. Жалпы жыл басынан СҚО-да 7 адам суға кетті, оның үшеуі – бала.

СҚО ТЖД қауіпсіздік ережелерін сақтауға шақырады: арнайы жарақтандырылған орындарда ғана суға шомылуға болады, жалғыз және қараңғыда суға шомылуға бармаңыз, балаларды жалғыз өздерін өзен-көлдерге жібермеңіз. Бұл ескерту алдағы күндері аса маңызды, өйткені СҚО-да 13-15 маусым аралығында қатты ыстық болмақ, ауа температурасы 35 градусқа дейін көтеріледі деген болжам бар.

Соңғы жаңалықтар

Ақпараттық хабарлама

Егемен Қазақстан • Кеше

Доллар тағы да арзандады

Экономика • Кеше

Ұқсас жаңалықтар