Оқиға 13 маусымда кешке болған. Видео әлеуметтік желілерде жарияланды. Полиция мәліметі бойынша, көлік тізгінінде 35 жастағы ер адам болған.
«Skoda Superb маркалы автокөлік жүргізушісі тасжолдың 16-шы шақырымында дөңгелегінің атылып кетуіне байланысты рульге ие бола алмай қалған. Кейін жүргізуші «Welcome to Burabai» жазуына барып соқтығысқан. Жол-көлік оқиғасы салдарынан зардап шеккендер мен қаза болғандар жоқ», деді Ақмола облыстық полиция департаменті өкілі.
Жүргізушіге қатысты ҚР ӘҚБтК-нің 610-бабы «Көлік құралдарының немесе өзге де мүліктің бүлінуіне әкеп соққан жол жүрісі қағидаларын бұзу» бойынша әкімшілік хаттама толтырылды.
