Теннис • 15 Маусым, 2021

«Ролан Гаррос» додасы аяқталды

25 рет көрсетілді

Парижде жүлде қоры 34 367 216 еуроны құраған «Ролан Гаррос» турнирі өз мәресіне жетті. Екі аптадан аса уақытқа созылған жарыста әлемнің ең үздік теннисшілері бақ сынады.

Ерлер сайысында Новак Джокович дара шықты. Ақтық айқаста Сербияның саңлағы Грекияның сайыпқыраны Стефанос Циципасты сан соқтырды. Бір қызығы, алғашқы екі сетте ежелгі Эллада елі өкілінің мысы басым болды – 7:6, 6:2. Алайда одан кейін қарқынын күрт күшейткен Джокович жеңісті қарсыласының уысынан жұлып әкетті – 6:3, 6:2, 6:4. Бұл бәсеке 4 сағат 12 минутқа созылды. Бұл оның «Ролан Гарростағы» екінші бас жүлдесі. Әйелдер арасында сенсациялық нәтиже тіркелді. Әлемдік рейтингте ТОП-30 ойыншының қатарына да енбеген Барбора Крейчикованың қарқынына бұл жолы ешкім шыдай алмады. Чехия теннисшісі финалда ресейлік Анастасия Павлюченковадан басым түсті – 6:1, 2:6, 6:4.

 

 

Соңғы жаңалықтар

«Сәтемір хан» кім?

Руханият • Кеше

«Есіл өзен»

Өнер • Кеше

Тасада қалған тұлға

Тарих • Кеше

Сахна суреткері

Өнер • Кеше

Ұқсас жаңалықтар