Қазақстан • 18 Маусым, 2021

Дәурен Абаев Президенттің екі әкімді қызметтен босатуына қатысты пікір білдірді

13 рет көрсетілді

Президент әкімшілігі басшысының бірінші орынбасары Дәурен Абаев «Ашық диалог» сұхбатында Солтүстік Қазақстан облысы Айыртау және Есіл аудандары әкімдерінің қызметінен босатылуы туралы пікір білдірді, деп хабарлайды Egemen.kz.

«Жалпы сіз айтып отырған мысалды «Халық үніне құлақ асатын мемлекет» тұжырымдамасының өмірде іске асуы деп айтуға болады. Бірақ әкімдерді қызметінен алу – Мемлекет басшысының бұл келеңсіздікке назар аударуының бір бөлігі ғана. Әрине, шенеуніктерді жазалап, жұмыстан алу журналистер үшін әрқашан тартымды ақпараттық себеп екенін білесіз. Бірақ мұның артында басқа да жұмыстар жатыр. Президент еңбек тапшылығы бар өңірлерден халықты көшіру ісінің сапалы атқарылуын тапсырған болатын», деді Президент әкімшлігінің өкілі.

Дәурен Абаев бұл бағдарламаның мақсаты Оңтүстік пен Солтүстік арасындағы демографиялық теңгерімсіздікті жою екенін еске салды.

«Бұл жұмыс жоспарлы түрде, науқаншылдыққа салынбай, сан қуалап кетпей іске асуы керек. Қоныс аударушыларға жағдай жасау қажет. Бұл – аксиома. Бірақ қоныс аударушылар да жаңа ортаға бейімделіп, интеграцияға түсу керектігін түсінгені абзал. Тек әкімдікке шағымдана бермей, өз тағырлары үшін жауапкершілікті өз қолдарына алуы керек. Көбі сұрап жатыр. Аудан әкімдеріне неге қатаң жаза қолданылды? Оны да оңай түсіндіруге болады. Өйткені бұл бағдарлама адамдардың тағдырымен байланысты», деді Д. Абаев.

Айта кетейік, Қасым-Жомарт Тоқаев «Казахстанская правда» газетінде жарияланған «Заложники равнодушия» атты мақалада айтылған мәселеге назар аударып, екі ауданның әкімі қызметінен алынған болатын.

Соңғы жаңалықтар

Шығыс «Қызыл» аймақта

Аймақтар • Кеше

Цифрлы теңге жобасы талқыланды

Экономика • 23 Шілде, 2021

Ақпараттық хабарлама

Егемен Қазақстан • 23 Шілде, 2021

Қазақстанда вакцинаның қанша қоры бар?

Коронавирус • 23 Шілде, 2021

Ұқсас жаңалықтар