Аймақтар • 21 Маусым, 2021

Жартастағы «жабайы жазулар» жойылды

13 рет көрсетілді

Табиғаты таңғажайып Қарқаралыға саяхаттап баратын кейбір тәртіпсіз туристердің жартастар мен қойтастарға «Мұнда Вася болды», «Гуля + Макс» деген сияқты жазбалар қалдырып, көзсүйсінер сұлулықтың сынына нұқсан келтіріп жататыны белгілі.

Таяуда Қарағанды мен Қар­қаралының ерікті жастары «Өз елімде із қалдырмай Sayahattime» экоакциясын қол­дап, жоғарыда айтылған тәр­тіпсіздіктің салдары­мен кү­реске шықты. Белсенді жас­тар Қарқаралы мемлекеттік ұлт­тық табиғи паркіндегі «Үш үңгір» жартасындағы жабайы жазу­ларды өшірді. Волонтерлер жазба­ларды жоюға арнайы химиялық ерітінділерді пайдаланды. Кейбір жерлерде газ қыздырғыштарын да қолдануға тура келді.

Айта кету керек, Қарқара­лы­дағы туристік маршруттар бо­йындағы жазулар мен сурет­терді өшіру бастамасын Kazakh Tourism ұлттық ком­па­ниясы көтерген болатын. Ал акцияны қолдаған Ja­na Dunie қа­йы­рым­дылық қоры ерікті­лер­ді жартас­ты тазартуға қажет­ті құрал-жаб­дықтармен қам­тамасыз етті.

Акцияға белсене қатысқан Жанарай Санақбай жартастағы жазуларды жою бойынша осындай іс-шаралардың алдағы уақытта да жалғасын табатынына сенім білдірді.

– Біз облыс тұрғындары мен Қар­қаралы мемлекеттік ұлт­­тық табиғи паркінің қонақ­тарын табиғатты аялауға шақы­рамыз. Алдағы уақытта мұнда  табиғатты қорғауға шақыратын тақтайшалар орнататын боламыз. Себебі біз жерімізді ұрпақ­тарымызға бастапқы күйінде сақтап, тапсыруға мін­деттіміз, – дейді жалынды жас.

Жастардың өнімді жұмы­сынан кейін «Үш үңгір» жартасы бұрынғы келбетіне ие болып, жарқырай түсті. Бұдан бөлек акцияға қатысушы еріктілер сен­білік ұйымдастырып, төңі­рек­ті туристер тастап кеткен қо­қыстан тазартты.

 

Қарағанды облысы,

Қарқаралы ауданы

Соңғы жаңалықтар

Ақпараттық хабарлама

Егемен Қазақстан • Кеше

Доллар тағы да арзандады

Экономика • Кеше

Ұқсас жаңалықтар