Әлем • 25 Маусым, 2021

Түркия туристік маусымды жыл соңына дейін ұзартады

7 рет көрсетілді

Түркия биыл туристік маусымды жыл соңына дейін ұзартуды жоспарлап отыр. Бұл туралы елдің мәдениет және туризм министрі Мехмет Нури Ерсой мәлімдеді, деп хабарлайды Egemen.kz.

Ведомствоның жоспарына сәйкес, 2021 жылдың соңына дейін Түркияға 35 миллионнан астам турист келеді. Бұл 2019 жылғы рекорд көрсеткіштің 80 пайызын құрайды. Ол кезде елге 45 миллион адам келген. Егер жоспар орындалса, туристік саланың биылғы кірісі 20 миллиард долларға жетеді.

Мәдениет және туризм министрі пандемияға қарсы туристердің қауіпсіздігін қамтамасыз ету үшін барлық шара жоғары деңгейде сақталатынын айтты.

«Түркияға келген туристер COVID-19 сынағы, вакцина, карантин сияқты бақылаудың барлық түрінен өтеді. Вакцинасыз қажетті сынақтардан өтпеген адам, тіпті ұшатын жерінде де ұшаққа отыра алмайды және ұшып кете алмайды. Туристерге тестілеу жүргізбеу деген секілді жағдайлар болмайды», деді министр.

 

Соңғы жаңалықтар

«Сәтемір хан» кім?

Руханият • Кеше

«Есіл өзен»

Өнер • Кеше

Тасада қалған тұлға

Тарих • Кеше

Сахна суреткері

Өнер • Кеше

Ұқсас жаңалықтар