Спорт • 25 Маусым, 2021

Шымкентте шахматтан жасөспірімдер арасында Қазақстан чемпионаты өтеді

723 рет
көрсетілді
1 мин
оқу үшін

Тәуелсіздіктің  30 жылдығына орай қала әкімі М.Әйтеновтің бастамасымен Шымкентте шахматтан жасөспірімдер арасында Қазақстан чемпионаты өтеді.   Чемпионатты  Шымкент қаласы әкімдігі мен Қазақстандық шахмат федерациясы ұйымдастыруда, деп хабарлайды Egemen.kz.

Шымкентте шахматтан жасөспірімдер арасында Қазақстан чемпионаты өтеді

«Шымкент – еліміздің шахмат астанасы» брендін қалыптастыру аясында  қолға алынған спорттық сайыс алдағы  шілде айының 20-30 жұлдызы аралығында өтеді деп жоспарланып отыр.

Іс шараның мақсаты - халықаралық шахмат аренасында Қазақстанның оң имиджін қалыптасыра отырып, Шымкентті зияткерлік шаһарға айналдыру.  Сондай-ақ, шахматтан жаңа есімдерді анықтау.

Айта кетейік, шахматтан жасөспірімдер арасында Қазақстан чемпионаты мемлекеттік бюджеттен еш қаржысыз ұйымдастырылады.  Жарыс «Black Rock Business» ЖШС-нің демеушілігімен өтеді. Жалпы сайыстың жүлде қоры 2 880 000 теңгені құрайды. Жеңімпаздар әлем және Азия чемпионаттарының жолдамасына ие болмақ.  Ал чемпионаттың талап-ережелерімен Қазақстан шахмат федерациясының ресми сайтынан танысуға болады.

шахмат

Соңғы жаңалықтар

Су үнемдейтін қондырғы

Технология • Кеше