Оралда ер адамды пойыз қағып кетті

Оқиға Орал-Желаево аралығында болған. Теміржол қызметкерлерінің айтуынша, ер адам құлаққап тағып алып, қозғалып бара жатқан пойыздың алдынан жүгіріп өтпек болған.

«Жәбірленушінің аяғы мен арқасы жараланды. Ол комада жатыр», деді Орал жол аралық учаскесінің басшысы Қуат Құламанов.

Пойыз адам қаққаннан кейін біраз уақыт тоқтап тұрды, бірақ кейін қозғалысын жалғастырды.