«Қабылданған іс-шаралардың барлығы коронавирустық инфекциямен ауыратындардың саны күн сайын артып келе жатқанын көрсетеді. Біз төсек-орын санын көбейтуге және адами ресурстарды ұлғайтуға мәжбүрміз. Жұқпалы аурулар ауруханаларына тәулігіне 150-200 адам жатқызыла бастады», деді ол.
Басқарма басшысының айтуынша, 2001 инфекциялық төсек-орынның 598-і ғана бос. Оның ішінде 36 реанимациялық төсек-орын бар.
«Жансақтау бөлімінде дәл қазір 111 науқас, КВИ-мен 100 адам жатыр. Ауыр жағдайда 57 науқас, өте ауыр халде 43 науқас бар. Ал 20-сы өкпені жасанды желдету аппаратына қосылған», деді Тимур Мұратов.