Халықты төтенше жағдайлар туралы хабарландыру және ақпараттандыру – негізгі қауіпсіздік шарасы. Бұл тұрғындарды қандай да бір авария немесе табиғи құбылыстардың әртүрлі факторларынан болатын қирау салдарынан қорғайды.
Хабарландыру жүйесін тексеру барысында электр дабылдар мен дабылды сөйлеу құрылғыларын (дауыс зорайтқыштар) қысқа уақытқа қосу, теледидар эфирлерін және радио арналарын ұстап қалу, ақпаратты интернет-ресурстар мен мобильді қосымшаларға орналастыру жоспарланып отыр.
«Баршаның назарына» дыбысты сигнал – бұл ескерту дабылы. Бұл төтенше жағдайлар қаупі болғанда немесе туындағанда барлық шұғыл хабарлама жасау алдында халықтың назарын аудару үшін беріледі.
Дыбыстық сигналды естіген соң қалыптасқан жағдайда алдағы іс-әрекеттері бойынша нұсқау алу үшін теледидар мен радиоқабылдағышты қосып, интернет-ресурстар мен мобильді қосымшадағы ақпаратты оқу қажет.
Сонымен қатар қауіпті өндірістік объектілер мен гидротехникалық құрылыстардағы жергілікті құлақтандыру жүйелерінің жұмысы тексеріледі.
Республикалық хабарландыру жүйесін тексеру қорытындысы бойынша еліміздің халқын уақтылы ақпараттандыру мен құлақтандыруды қамтамасыз ету бойынша тиісті шаралар пысықталатын болады, деп хабарлады ТЖМ баспасөз қызметі.
