Әлем • 29 Маусым, 2021

Үндістанда 40 мыңнан аса адам «қара зең» жұқтырған

29 рет көрсетілді

Үндістан дәрігерлері «қара зең» (мукормикоз) ауруының 40,8 мыңнан аса жағдайын анықтады. Бұл туралы елдің денсаулық сақтау министрі Харш Вардхан мәлімдеді, деп хабарлайды Egemen.kz.

Министрдің айтуынша, елде барлығы 40 845 жағдай тіркелген. Бұл ретте 31 344 науқаста мұрын, мұрынның қосалқы қуыстары және мидың бір бөлігі зақымданған.

Министр жағдайдың 32 пайызы 18 бен 45 жас аралығындағы топта тіркелгенін айтты. Тағы 42 пайызы - 45 пен 60 жас аралығындағы топ. Ал 24 пайызы - 60 жастан асқан қарттар. «Қара зең» жұқтырғандардың 64 пайызы диабетпен ауыратыны белгілі болды, ал 53 пайызы стероидты препараттар қабылдайтындар, деді министр.

ICMR бас директоры Балрам Бхаргава коронавирус инфекциясының екінші толқыны әлі де халыққа қауіп төндіретінін атап өтті. Инфекцияның ең көп жағдайы Махараштра, Керала, Тамилнад, Батыс Бенгалия және Одиша штаттарында анықталған.

Мукормикоз – саңырауқұлақ ауруы. Айта кетейік, «қара зең» терінің және ішкі ағзалардың зақымдалуымен сипатталады, салдары өлімге әкелуі мүмкін.

Соңғы жаңалықтар

Шерхан Мұртазаның үйі

Әдебиет • Кеше

«Жасыл» аймақта екі өңір

Коронавирус • Кеше

Бүгін - Аналар күні

Қазақстан • Кеше

Әлемде эпидахуал қандай?

Әлем • 18 Қыркүйек, 2021

Токио марафоны 2022 жылға шегерілді

Спорт • 18 Қыркүйек, 2021

Алматыда тау бөктері өртеніп жатыр

Аймақтар • 18 Қыркүйек, 2021

Ұқсас жаңалықтар