Петропавлда жүргізуші 9 жасар баланы қағып, оқиға орнынан ізін суытқан

Солтүстік Қазақстан облысы полиция департаменті баспасөз қызметінің мәліметінше, 29 маусым күні кешке полицияға Петропавлда жол-көлік оқиғасы болғандығы жөнінде хабарлама түседі.

Оқыс оқиға Жұмысшы кентінде болған. Пугачев көшесінде велосипед теуіп жүрген 9 жасар баланы «Audi-100» көлігінің жүргізушісі қағып, өзі оқиға орнынан қашып кеткен.

Ер бала ауруханаға жеткізіліп, медициналық көмек көрсетілгеннен кейін үйіне жіберілді.

Тәртіп сақшылары көлік жүргізушісін анықтады.