Саясат • 02 Шілде, 2021

Серпінді стратегиялық серіктестік

64 рет көрсетілді

Елбасы Қытай Халық Республикасының Қазақстандағы Төтенше және өкілетті елшісі Чжан Сяоны қабылдады, деп хабарлады Тұңғыш Президенттің баспасөз қызметі.

Нұрсұлтан Назарбаев Қытай Халық Республикасының елшісін Қытай Коммунистік партиясының құрылғанына 100 жыл толуымен құттықтап, Қытай Коммунистік партиясы Орталық комитетінің бас хатшысы Си Цзиньпинге жылы лебізін жолдады.

– Бүгін Қытай Коммунистік партиясының 100 жылдығы аталып өтілуде. Төраға Си Цзинь­пин­ді және барша қытай халқын осы ай­тулы күнмен құттықтаймын! Осы жылдар ішінде Қытай Ха­лық Республикасы алға қарай үл­кен қадам жасады. Ком­му­нис­­тік партияның жоспары Қы­тайдың әлі де нығайып, дами бере­ті­нін көрсетіп отыр, – деді Қа­зақ­стан­ның Тұңғыш Пре­зи­денті.

Елбасы Қазақстан мен Қытай арасындағы мәңгілік жан-жақты стратегиялық серіктестіктің да­муы­ның оң қарқынын атап өтті.

– Қытай Халық Республикасы әлемдік ауқымдағы қуатты мемлекетке айналды. Экономикасы дүние жүзі бойынша екінші орында және технологиялық даму дең­гейі жоғары. Кедейлікпен күрес мәсе­лесінде де Қытай үлкен қадам жасады. Мен әрдайым біз­дің қарым-қатынасымызды қол­дап келемін. Мәңгілік жан-жақ­ты стратегиялық серіктестік екі ха­лықтың игілігі үшін жұмыс істей береді. Қазақстанның Қы­тай Халық Республикасымен ынты­мақ­тастығы – мемлекетаралық қатынастың жарқын үлгісі, – деді Нұрсұлтан Назарбаев.

Өз кезегінде Қытай Халық Рес­публикасының елшісі Чжан Сяо Елбасына құттықтауы үшін алғысын білдіріп, 1 шілде – Қытай Коммунистік партиясының мүше­лері үшін ең ерекше әрі ұмы­тылмас күндердің бірі екенін айтты.

– Сізге байырғы әрі жақын досыңыз Төраға Си Цзиньпиннің ең ізгі тілегі мен ыстық сәлемін жеткізгім келеді. Сіздің 6 шілдеде өтетін Әлемдік саяси партиялар көшбасшыларының саммитіне қатысу туралы шешіміңізді жоғары бағалаймыз. Бұл – өте маңызды оқиға. Оған Сіздің қа­­ты­­суыңыз Қазақстан-Қытай қарым-қатынасын дамытуға және Қытай Коммунистік пар­тия­сы мен Nur Otan арасындағы пар­тия­аралық байланысты арт­тыруға серпін берері сөзсіз, – деді Қытай Халық Республикасының Төтенше және өкілетті елшісі.

 

Соңғы жаңалықтар

Бар жақсымыз – балаларға

Қазақстан • Кеше

Алтын қыз

Спорт • Кеше

Талант пен талап

Әдебиет • Кеше

Әдеби өмірдегі әйелдер

Руханият • Кеше

Ұқсас жаңалықтар