Аймақтар • 06 Шілде, 2021

Қарағандыда мүмкіндігі шектеулі балаларға арналған балалар үйінде фотомектеп ашылды

11 рет көрсетілді

Қарағандыда мүмкіндігі шектеулі балаларға арналған балалар үйінде фотомектеп ашылды, деп хабарлайды Egemen.kz.

Әлеуметтік жобаға кәсіпкерлер демеушілік жасады. Сабақтарды кәсіби шебер жүргізеді. Оқушылардың алғашқы байқауға ұсынған жұмыстары кәсіби мамандарды таң қалдырды.

«Мен фото түсіру ісі бойынша дәрістерді беріп келе жатқаныма ұзақ уақыт болды. Балалар үйінің тәрбиеленушілеріне сабақ беруді ұсынғанда, мен қуана келістім. Тілек білдірушілерді біріктіріп, топ жинадық. Ол 14-16 жас аралығындағы тоғыз ұл мен қыз. Балалардың әр түрлі болғаны өте керемет. Әркімнің өз көзқарасы, қалауы бар. Жарты жылдың ішінде олар теория мен тәжірибеде көп нәрсені түсінді», деді мұғалім Ирина Майер.

Оның айтуынша, дәріс беру қарапайым дүниеден басталды, жабдықты таңдау және камераның параметрлері туралы әңгіме жүргізілді. Содан кейін композиция, түс бойынша сабақтар болды.

Оқушылар әлемдік фотосуреттің тарихымен таныстырылды. Идеяларды қалыптастыру, шығармашылық ойлау – осындай ерекшеліктер де жас фотографтарға үйретілді. Ең бастысы, әрине, суретке түсіру және фотосуреттерді компьютерлік бағдарламалардың көмегімен өңдеу бойынша тәжірибелік сабақтар. Жарықпен жұмыс істеу сабақтары студияда кәсіби жабдықта өтті.

 

«Балалар байқауға бір ай бойы дайындалды. Идеялардың барлығы балалардың өздеріне тиесілі. Мен жай ғана оларды қалай жүзеге асыру керектігі бойынша кеңес бердім. Өте керемет болды. Әрбір жұмыстың өз мағынасы бар: өз үйіңді тапқың келетіні туралы, махаббатты бағалау керектігі. Белгісіз ертегі әлемдері – су астында және ай бетіндегі. Портреттерде авторлар өздерінің модельдерінің нәзіктігін, сезімталдығын барынша жеткізді», деді Ирина Майер.

Константин Макаровтың «Сиқырлы әлемдері» қазылар алқасынның жүрегін жаулап алды.

Аталмыш жұмыс бірінші орын алды. Костя фотосуреттерді монтаждау және журналды ретушинг шеберлігін көрсетті. Жұмыстардың бірінде ол Айдан Жерге оралу туралы армандарына еркіндік берді.

Соңғы жаңалықтар

Сөз сойыл

Қоғам • Бүгін, 09:12

Жас қобызшылар бақ сынады

Тәуелсіздіктің 30 жылдығы • Бүгін, 09:05

JaiyqFilmFest фестивалі өтуде

Тәуелсіздіктің 30 жылдығы • Бүгін, 09:05

Ардагерлер аруағына құрмет

Аймақтар • Бүгін, 09:03

whatsapp-тағы бассыздық

Аймақтар • Бүгін, 08:54

Ұқсас жаңалықтар