Штаб Олимпиада ойындарына қатысудың барлық аспектілерімен айналысады. Атап айтқанда, спортшылардың жарыстарға қатысуы, халықаралық федерациялармен өзара байланыс, логистика және олимпиадашылардың денсаулығын сақтау сынды мәселелермен айналысады.
Кездесуге қатысушылар Олимпиадаға іріктеудің ерекшеліктерін, коронавирустық инфекциядан қорғану ережелерін және жалпы Жапониядағы талаптарды талқылады.
Ұлттық құрама командалар Қазақстандағы олимпиадалық базаларда Ойындар алдындағы соңғы жаттығуларын өткізуде. Сол жерден олар бірден Токиоға аттанады.
Делегация мүшелеріне Ойындарды ұйымдастыру комитетінің ережелерін, яғни «плейбук»-ты мүлтіксіз сақтау қажеттілігі еске салынды. ҰОК басшысы кездесу соңында олимпиадашыларға табыс тіледі.
