Қазіргі уақытта вакцинаның бірінші компонентін 286 мыңға жуық адам алды. Ал 172 мыңнан астам адам толық иммундаудан өтті. Вакцинацияның өсу қарқыны қаладағы эпидемиологиялық жағдайды жақсартуға, қала тұрғындары арасында коронавирус инфекциясын тоқтатуға, мектеп оқушылары мен студенттердің офлайн оқыту форматына оралуына, сондай-ақ ұжымдық иммунитетті қалыптастыруға мүмкіндік береді.
Қаланың Қоғамдық денсаулық сақтау басқармасы еңбек ұжымдары мен жекелеген ұйымдардың қызметкерлерін вакцинациялау жұмысы белсенді жүргізіліп жатқанын хабарлады. Сауда кешендері мен сауда үйлерінен, коммуналдық қызметтерден, ПИК (МИБ) қызметкерлерінен, ірі құрылыс компанияларынан, мектепке дейінгі және білім беру мекемелерінен, жеке ұйымдардан және т.б. өтініштер түсуде.
«Басшылық ұжымымызды вакциналау үшін арнайы бригада келетінін мәлім етті. Бұл біз үшін жасалып отырған қолайлы жағдай деп санаймыз. Таңнан кешке дейін жұмыстамыз, вакцина алуға баратын уақытымыз болмайды. Ал өзімде вакцинацияға деген ешқандай қорқыныш, алаңдаушылық болған емес. Қайта ауырып, айналама жұқтырудан қорқамын. Әріптестеріммен ойымыз бір, сол себепті екпе алу үшін кезекте тұрмыз», дейді банк қызметкері Қаламқас Әділжанова.
Еске сала кетейік, елорда тұрғындарын вакцинациялауға ынталандыру үшін түрлі сыйлықтардың ұтыс ойыны өтіп жатыр.
