Бұл бөлікте нөсер кәрізінің магистральдық коллекторын салу бойынша жұмыстар жүргізіліп жатыр. Бараев көшесі мен Иманбаева көшесінің қиылысында көлік қозғалысы шектеледі. Жүргізушілерге ыңғайлы болу үшін уақытша схема ұйымдастырылады.
Нұр-Сұлтан қаласының полиция департаменті қала жолдарында кептеліс тудырмас үшін көлік жүргізушілеріне қозғалыс бағытын алдын ала жоспарлауды ұсынады. Жөндеу жұмыстары жүргізіліп жатқан немесе аяқталмаған жол учаскелерінде неғұрлым мұқият болып, уақытша схема бойынша белгіленген жол белгілері негізінде Қазақстан Республикасының Жол жүрісі қағидаларының талаптарын сақтай отырып, қозғалуы қажет. Бұл учаскеде жүру жылдамдығы сағатына 40 км-ге дейін шектелген.
