Саясат • 14 Шілде, 2021

Арнайы комиссияның отырысы

42 рет көрсетілді

Премьер-Министрдің бірінші орынбасары Әлихан Смайыловтың төрағалығымен Қазақстан Республикасында 2021 жылы ұлттық халық санағын өткізуге дайындық және ұйымдастыру мәселелерін шешу жөніндегі арнайы комиссия отырысы өтті, деп хабарлады Үкіметтің баспасөз қызметі.

Премьер-Министрдің б­і­рінші орынбасары санақ құра­мын толық қамтамасыз ету және вакциналау мәселелеріне баса назар аударуды тапсырды. Тиісті мемлекеттік органдар мен әкімдіктерге еріктілер ұйымдарын, студенттер мен жұмыссыз тұрғындарды сұх­баттасушы ретінде тарту жұ­мысын күшейту тапсырылды. Санақ жүргізіліп жатқан кезде персоналдың қауіпсіздігін қамтамасыз ету, сондай-ақ жо­сықсыз адамдардың алаяқ­тық әрекеттерін болдырмау ескер­тілді.

Ә.Смайылов өңірлердің басшыларына бұқаралық ақпарат құралдарындағы баннерлер мен билбордтарды, жарық диодты экрандарды, үнпарақтарды, тиісті ақпараттық хабарламаларды ғана емес, сонымен қатар хабарлау құралы ретінде тұрғын үйлердің топтық чаттарын да қарастыру арқылы халық арасында ақпараттық-түсіндіру жұмыстарын кү­шейтуді тапсырды. Санақ науқаны аяқталғанға дейін елді мекендердің құрамдас бөліктерінің атауларын өзгер­туге мораторийді сақтау мә­селесі де қайта көтерілді. Сон­дай-ақ әңгіме мемлекеттік ор­гандардың бірыңғай көлік ортасы шеңберінде шалғай аудандар мен ауылдарда жо­ғары сапалы интернетке қосылуды қамтамасыз ету үшін egov.kz веб-порталы мен sanaq.gov.kz сайтын ин­те­грациялау ая­сында атқа­рылған жұмыстар бо­йын­ша ақпараттық ресурстарға қол­же­тімділікті қамтамасыз ету туралы болды.

Жиынды қорытындылай келе, Ә.Смайылов жеке тұл­ғалардың дерек­терін құпия сақтаудың маңыздылығын тағы бір атап өтті және мұндай мәлі­меттер «Мемлекеттік ста­тистика туралы» заңмен қорға­латынын жеткізді.

Естеріңізге сала кетейік, 2021 жылғы Ұлттық халық санағы 1 қыр­күйектен 15 қа­занға дейін sanaq.gov.kz мамандандырылған веб-сай­тында онлайн форматта жос­парланған, ал санақтан онлайн өтпеген азаматтар үшін қажетті санитарлық нормаларды сақтай отырып, әдеттегідей үй-үйді аралау 1-30 қазан аралығында ұйымдастырылады.

Соңғы жаңалықтар

Сырдың суы төмендеп барады

Аймақтар • Бүгін, 17:27

Доллар арзандады

Қаржы • Бүгін, 16:56

Алматы маңында жер сілкінді

Аймақтар • Бүгін, 16:38

Қазақстанда ет қымбаттады

Қоғам • Бүгін, 15:10

Елімізде киік саны көбейіп келеді

Қазақстан • Бүгін, 14:41

Ұқсас жаңалықтар