Қазақстан • 14 Шілде, 2021

Қазақстанда заңсыз жүрген 35 шетел азаматы елден шығарылды

35 рет көрсетілді

Заңсыз көші-қонға қарсы іс-қимыл мақсатында Жамбыл облысының аумағында «Заңсыз трафик» жедел алдын алу іс-шарасының апталық бірінші кезеңі өтті, деп хабарлайды Egemen.kz.

«Заңсыз трафик» іс-шарасының барысында Қазақстан Республикасының көші-қон заңнамасын бұзған 337 шетелдік азамат әкімшілік жауапкершілікке тартылды.

Сот шешімімен ТМД елдерінің 35 азаматы Қазақстан Республикасынан тыс жерге шығарылды.

«Шетелдік жұмысшы күшін және иммигранттарды тартуда Қазақстан Республикасының заңнамасын бұзғаны үшін Қазақстан Республикасының төрт азаматына қатысты әкімшілік құқық бұзушылық туралы хаттама толтырылды. Шетелдіктер мен азаматтығы жоқ адамдарды қабылдайтын жеке және заңды тұлғалардың бұзушылықтары үшін Қазақстанның 194 азаматы әкімшілік жауапкершілікке тартылды», деп мәлімдеді Жамбыл облысы ПД Көші-қон қызметі басқармасының бастығы Арман Тұрдалиев.

Қазақстанның мемлекеттік шекарасын қасақана заңсыз кесіп өткені үшін Қырғызстан Республикасының азаматына қатысты сотқа дейінгі тергеу амалдары басталды.

Заңсыз көші-қон арналарын ұйымдастырғаны үшін Қазақстанның екі азаматына қатысты тергеу жүргізілуде.

Соңғы жаңалықтар

Ұқсас жаңалықтар