Аймақтар • 14 Шілде, 2021

Алматы жастары үшін IT мамандықтарына тегін оқытатын бағдарлама басталады

70 рет көрсетілді

Мегаполис әкімі Бақытжан Сағынтаев «Алматы» ТА-дағы Akimat LIVE бағдарламасының тікелей эфирінде қалалықтардың сұрақтарына жауап бере келе, IT саласында сұранысқа ие мамандық алудың және жұмысқа орналасудың жаңа мүмкіндіктері туралы баяндады, деп хабарлайды Egemen.kz.

Техникалық жоғары оқу орнының 4 курс студенті Б. Сағынтаевтан тағылымдамадан өту және жұмысқа орналасу мүмкіндігі туралы сұрады. Ал қала әкімі тегін оқыту бағдарламасының басталатыны туралы айтты.

«15 шілдеден бастап, біз Home Credit Bank-інде жас IT мамандарына арналған авторлық оқыту және тағылымдамадан өту бағдарламасы негізінде пилоттық жобаны бастаймыз», деді Б. Сағынтаев.

Home Credit University бірге әрбір талантты адамға жаңа деңгейге көтерілуге мүмкіндік беріледі. Курс аясында «Бизнес аналитика» бағытында ORACLE (PL SQL), Power BI дерекқорларын және басқа да сұранысқа ие тетіктерді пайдалануға болады.

Тестілеу кезеңі – биылғы жылдың 15 шілдесінен 15 тамызына дейін. Оқу форматы – онлайн. Бағдарламаға экономикалық және техникалық мамандықтардың 3-4 курсының студенттері қатыса алады. Қатысу үшін Бірыңғай коммуникациялық кеңістіктің (https://ekp.digital-almaty.kz/) сайтында анкета толтыру керек; онлайн тестілеуден өтуге және оқуды бастауға болады.

Курстың әр студенті Home Credit University-нің сертификатын алады, ал емтихандарды үздік тапсырғандар тағылымгер және штаттағы қызметкер ретінде «Хоум Кредит Банкінің» үлкен отбасының бір мүшесі бола алады.

Сондай-ақ, биылғы жылдың қыркүйек айынан бастап Алматы әкімі ресми түрде Бірыңғай коммуникациялық кеңістікті толық ашады, оған үздік университеттер – ҚБТУ, СДУ, КИМЭП, әл-Фараби атындағы ҚазҰУ, АТУ, Алма Университеті, Сәтбаев Университеті, MУИТ енеді.

Бірнеше жыл ішінде АТ таланттарын тартуға арналған экожүйе құру жоспарлануда, бұл қала деңгейінде білікті және бейімделген мамандарды тәрбиелеуге мүмкіндік береді. Сонымен қатар, бизнестің тікелей коммуникациясы және білім беру кластері есебінен кадрлық ресурсты арттыру міндеті де шешілмек.

Соңғы жаңалықтар

11 тамызға арналған валюта бағамы

Экономика • Бүгін, 09:40

Екінші айналымға шықты

Теннис • Бүгін, 08:39

Исламиаданы сәтті бастады

Спорт • Бүгін, 08:37

Алуан ауруды анықтайтын аппарат

Медицина • Бүгін, 08:30

Ұлы шайыр ұлықталған күн

Абай • Бүгін, 08:20

Абай мұрасы асқақтады

Абай • Бүгін, 00:04

Ұлттық мереке

Абай • Бүгін, 00:02

Ет мәселесіне еп керек

Экономика • Бүгін, 00:01

Ұқсас жаңалықтар