2021 жылы маусымда республикадағы базарлар мен дүкендерде қой етінің килограммы 2,3 мың теңгеден сатылды. Бұл өткен жылмен салыстырғанда 14,4% -ға қымбат. Еліміздің ірі қалалары мен мегаполистерінің арасындағы ең жоғары бағалар Нұр-Сұлтанда, Алматыда (кг үшін 2,9 мың теңге) және Қарағандыда (кг үшін 2,6 мың теңге) байқалды. Ең төменгі баға - Орал мен Петропавлда (келісі 1,7 мың теңге) болды. Бұл туралы Energyprom.kz сараптама порталы жазды.
Қазіргі уақытта елімізде ұсақ малдың аналық тұқымын экспорттауға тыйым салынғанын атап өткен жөн. ҚР Премьер-Министрінің ресми сайтындағы мәліметке сүйенсек, Қазақстанда жылына 172,4 мың тонна қой еті өндіріледі. Ішкі нарықтың сұранысы 100,7% қамтылған. Осы жылдың төрт айында 538 тонна қой еті негізінен БАӘ, Өзбекстан, Бахрейн және Ресей Федерациясына экспортталды.
ҚР Үкіметі мүдделі мемлекеттік органдармен және ұйымдармен бірлесіп, Қазақстанның қой өсірушілер Ұлттық қауымдастығының төрағасы А.Садырбаевтың тірі ұсақ малдың экспортына толық тыйым салу туралы ұсынысын қарастырып жатыр. Ішкі нарықта қой етінің қымбаттауының негізгі себебі ретінде малдың экспорты көрсетілген.
