11 шілде күні 30-ға жуық турист Үндістанның Раджастан штатының астанасы Джайпурдағы ежелгі Амер фортының Күзет мұнарасының шыңына жиналған. Ауа райының қолайсыздығына қарамастан, келушілер танымал аттракционның фонында селфи жасағысы келген.
Куәгерлер таратқан кадрлардан туристер тұрған жерге найзағайдың қалай соққанын көруге болады. Полицияның мәліметінше, 11 адам оқиға орнында қайтыс болды. Тағы 17 адам түрлі жарақат алып, үшеуі ауыр халде ауруханаға жатқызылған.
Үндістан премьер-министрі Нарендра Моди қайтыс болғандардың отбасына ақшалай өтемақы төленетінін айтты.
Айта кетейік, Үндістанның солтүстігіндегі жаңбыр кезінде жыл сайын найзағайдан жүздеген адам қайтыс болады.
