Қазақстан жиырма екі жылда XXI ғасырдың ең қарқынды дамушы елдерінің қатарына қосылды.
Қазақстанды осы жиырма екі жылда әлем таныды!
«Біз «Алдымен – экономика, cодан соң – саясат» деген айқын формуламен ілгерілеп келеміз. Саяси реформалардың әрбір кезеңі экономика дамуының деңгейімен ұштасады. Сондықтан да біз саяси ырықтандыру жолын дәйекті ұстанудамыз. Осылайша ғана елді жаңғыртып, оны бәсекеге қабілетті етуге болады», деп Мемлекет басшысы Нұрсұлтан Назарбаев қалыптасқан мемлекеттің жаңа саяси бағыты – «Қазақстан-2050» Стратегиясын ұсынды. Республиканың таяу жарты ғасырларға саяси және экономикалық дамуының нұсқасы мен стратегиялық мақсаттары анықталған осы құжатта Мемлекет басшысы ұлттың 2050 жылға дейінгі жаңа саяси бағытын негіздеді. Ұлт мүддесін ұғындырған, жасампаздыққа жұмылдырған тарихи Жолдау Қазақстан халқына үлкен серпін берді.
Қазақстан жиырма екі жылда XXI ғасырдың ең қарқынды дамушы елдерінің қатарына қосылды.
Қазақстанды осы жиырма екі жылда әлем таныды!
«Біз «Алдымен – экономика, cодан соң – саясат» деген айқын формуламен ілгерілеп келеміз. Саяси реформалардың әрбір кезеңі экономика дамуының деңгейімен ұштасады. Сондықтан да біз саяси ырықтандыру жолын дәйекті ұстанудамыз. Осылайша ғана елді жаңғыртып, оны бәсекеге қабілетті етуге болады», деп Мемлекет басшысы Нұрсұлтан Назарбаев қалыптасқан мемлекеттің жаңа саяси бағыты – «Қазақстан-2050» Стратегиясын ұсынды. Республиканың таяу жарты ғасырларға саяси және экономикалық дамуының нұсқасы мен стратегиялық мақсаттары анықталған осы құжатта Мемлекет басшысы ұлттың 2050 жылға дейінгі жаңа саяси бағытын негіздеді. Ұлт мүддесін ұғындырған, жасампаздыққа жұмылдырған тарихи Жолдау Қазақстан халқына үлкен серпін берді.
Президенттің Қазақстан халқына арнаған әр жылғы жолдауларының жүзеге асырылуы нәтижесінде еліміз әлемдік өркениеттегі өзінің лайықты орнын айқындады. Осыдан он жеті жыл бұрын қабылданған «Қазақстан-2030» Стратегиялық бағдарламасы Қазақстанды егемен мемлекет ретінде дамыту мен өркендетудің негізгі локомотиві болды. Әрбір Жолдауында өткенді саралап, болашаққа бағдар жасай отырып, Үкімет алдына жаңа міндеттер жүктейтін Елбасы әлемдегі бәсекеге қабілетті 50 елдің қатарына ену міндетін қойса, 2012 жылғы Дүниежүзілік экономикалық форумның рейтингі бойынша Қазақстан 51-орынды иеленіп, қарқынды дамып келе жатқан елдердің бестігіне енді.
Алғашқы ұлттық стратегияның «бірқатар бағыттары мерзімінен бұрын орындалды: экономика, еліміздің саяси жүйесі, ұлттық білім беру жүйесі, денсаулық сақтау және әлеуметтік қамсыздандыру саласы жетістіктерге жетіп, жаңғыртылды. Осы бағдарлама негізінде халқымызды өркениет шыңына жеткізер, ел тәуелсіздігін баянды етер бірнеше жаңашыл реформалар жүзеге асты. Еліміздің қазіргі кезде 120-дан астам елмен саяси, әріптестік қарым-қатынас орнатуы, экономикамыздың тұрақты даму жолына түсуі жүргізілген реформалардың жарқын жемісі, бедерлі белесі.
Ал «Қазақстан-2050» Стратегиясы еліміздің қуатты мемлекетке айналып келе жатқанын айқындайтын құжат. Енді ел болып, жұрт болып сонда көрсетілген бағыттарды жүзеге асыруды қолға алудамыз. Президент Жолдауының ең маңыздылығы – дағдарыстан кейінгі жұмыс бағытын нақты айқындап қана қоймай, сонымен қатар, Қазақстанның өз ұстанымын әлемдік қауымдастықтың алдында сақтауға мүмкіндік туғызатын мықты біріктіруші, рухтандырушы күшке ие болуында. Сондықтан біз Жолдауда жүктелген тапсырмаларды табысты орындау үшін бар тәжірибемізді, білімімізді жұмсауымыз керек.
Президент Жолдауында халыққа дамудың жеті басым бағытын анықтап берді. Олар әлеуметтік-экономикалық жаңғыртудың басты міндетін шешуге – экономика өсімі мен қоғамдық игіліктердің ұлғаюы арасындағы оңтайлы тепе-теңдікке қол жеткізуге бағытталған.
Мемлекет басшысы жариялаған жеті бағыттың негізгі бағытының бірі кәсіпкерлікке арналып «Ұлттық экономикамыздың жетекші күші – кәсіпкерлікті жан-жақты қолдау» деген тақырыппен екінші бөлімде назар аудартады. «Отандық кәсіпкерлік жаңа экономикалық бағыттың қозғаушы күші болып табылады. Іскерлік мәдениетінің деңгейін көтеру мен кәсіпкерлік бастаманы ынталандырудың маңызы үлкен», деп бағалаған Елбасы мемлекет барлық проблемаларын шешіп беруін күтпей, әркім өзін бизнесте сынап көруге, елде жасалып жатқан экономикалық өзгерістерге толыққанды қатысушыға айналуына жағдай туғызу қажеттігін айтады. Шағын және орта бизнестің экономикадағы үлесі 2030 жылға қарай, ең аз дегенде, екі есе өсуге тиіс екендігін ескертіп, оған қажетті шараларды да көрсетіп отыр.
«Өкінішке қарай, қазіргі уақытта шағын және орта бизнеске салық салу жүйесіндегі қиғаштықтар олардың дамуы мен өсуіне кедергі келтіруде. Сондықтан Үкімет 2013 жылдың соңына дейін заңнамаға микро, шағын, орта және ірі бизнес ұғымдарын айқын жіктеуге бағытталған өзгерістер енгізсін. Бұл тұста біз шағын және орта іскерлік сегменттеріне түсетін күшті ауырлатпауға тиіспіз», дегенінен Мемлекет басшысының ішкі жағдайды өте жақсы біліп, көмектесу жолын қарастырғанын түсінеміз.
Қазір мемлекетіміз кәсіпкерлікті дамытуға, адамдардың өзін-өзі жұмыспен қамтуына кеңінен жол ашып берді. Осы тұрғыда кәсіпкерліктің алдында түрлі кедергілер кездесетіні жасырын емес. Мәселен, салықтағы қолайсыздықтар кәсіпкерлерге үлкен қолбайлау болуда. «Ақ жол» партиясы осы мәселені жиі көтеріп келеді. Сонымен бірге, банктердегі қанаушылық мәселесін жою жөнінде бастамалар жасалынды. Қолжетімді тұрғын үй жайында да әңгіме көтеріліп жүр.
Елімізде кәсіпкерлікті өркендету үшін қажетті жағдайларды әлі де өрістету керек екені ақиқат. Олардың қатарында мемлекет – жеке меншік әріптестігі қағидатына негізделген сенімді сұхбат құру үшін бизнесті топтастыруды жалғастыру қажет болады. Осы жаңа стратегияны жүзеге асыруда ауқымды істер атқарылып жатқанын көріп отырмыз. Енді оған барлық кәсіпкерлерді тарту міндеті іске асырылатын болады деп ойлаймыз.
Халықаралық тәжірибеден байқағанымыздай, біздің елімізде де кәсіпкерлердің палаталарға топтасуы экономиканың тиімділігінің маңызды факторының бірі, соны қолға алғанда «мықты бизнес – мықты мемлекет» қағидасы жүзеге асқанын көрдік. Осы мақсат үшін Үкімет «Атамекен» одағымен бірлесе отырып, Кәсіпкерлердің ұлттық палатасына міндетті мүшеліктің тұжырымдамалық моделін әзірлеген болатын. Бұл үлгі кәсіптік-техникалық білім, әсіресе, ауылдық жерлер мен моноқалалардағы шағын бизнесті кешенді түрде сервистік қолдауды, сыртқы экономикалық қызмет салаларында мемлекеттік органдардың өкілеттіктері мен міндеттерін енді құрылатын Кәсіпкерлердің ұлттық палатасына беруді қамтамасыз етеді. Кәсіпкерлердің ұлттық палатасы Үкіметтің сенімді және білікті серіктесіне айналады. Осыған байланысты Мемлекет басшысы Үкіметке тиісті заң жобасын әзірлеп Парламентке енгізуді тапсырды.
Қазіргі Қазақстан индустриялық өркендеудің даңғыл жолында тұр. Бұл өндіріс пен өнеркәсіпті жедел дамыту туралы ойларымызды нақтылай түседі. Күн санап қарқын алып жатқан технологиялық жаңалықтар әлемдік нарықтың құрылымы мен қажеттіліктерін түбегейлі өзгертетіні даусыз. Біз өткен жылдармен салыстырғанда мүлде өзгеше технологиялық болмыста өмір сүруге дағдылана бастадық. Біздің алдымызда цифрлық және нанотехнология, регенеративтік медицина және басқа да көптеген ғылыми жетістіктер игерілген жарқын болашақ тұр, ол қоршаған ортаны ғана емес, адамзат қоғамын да өзгертуге өлшеусіз үлес қосуда. Дегенмен, біз осынау жаңа сипаттағы үдерістерге тосырқап қарамай, оның белсенді қатысушылары болуға тиіс екеніміз анық.
Бүгінде Елбасы экономиканы әртараптандыру және оны шикізаттық емес, жоғары технологиялық жолға қайта бағдарлау жөнінде жаңа міндеттерді алға қойып, үдемелі индустриялық-инновациялық даму жөніндегі мемлекеттік бағдарлама қарқын алып келеді. Азық-түлік пен энергетика бойынша Қазақстан әлемдік қауіпсіздікті қамтамасыз ететін жетекші елдер тобына кіріп отыр. Ал елімізде бір-екі жылдан бері дамудың кепіліне айналған үдемелі индустриялық-инновациялық бағдарлама бойынша жүзеге асырылып жатқан жобалардың басым бөлігі ірі өндірістерден немесе ауыл шаруашылығынан орын алды. Елбасы стратегиялық бағдарламада ауыл шаруашылығын қайта өңдеу және саудада фермерлік пен шағын және орта бизнесті дамытуға ерекше тоқталды. Әсіресе, ауыл шаруашылығы өніміне өсіп отырған жаһандық сұраныс жағдайында саланы жаңғырту қажеттігі туындауда. Әлемдік азық-түлік нарығының көшбасшысы болу және ауыл шаруашылығы өндірісін арттыруға қажетті бағдарды да қадап айтты.
Өкінішке қарай, Ауыл шаруашылығы министрлігі жаңа нарықтық жағдайға әлі өте алмай отыр. Бұл саладағы шағын және орта кәсіпкерліктің қозғалмай отыруының себебі де осында. Содан аграрлық сала артта қалып, өнімдер шеттен келіп жатыр. Аймақтарға іссапар барысымен ауыл жақта болдым, басқару жүйесіндегі социалистік түсініктер, ұғымдар сіресіп тұр. Одан арылу үшін жаңа кадрлар, жаңаша, инновациялық-технологиялық ойлау жүйесі керек. Инновация – тек жаңалық емес, жаңалықты жылдам енгізіп, технологиялық үрдіске айналдыру, содан нәтиже көру.
Жолдауда мемлекетіміздің алдында тұрған үлкен міндеттердің бірі ауылшаруашылық өнімдерінің экспорттық әлеуетін арттыру, бәсекеге қабілетті брендтер құру керектігін Президент атап өтті. Осы мәселелер шеңберінде «АӨК-2020» бағдарламасы бойынша мемлекет ауыл шаруашылығының 2020 жылға дейін дамуына 3 триллион теңге қаражат бөліп отыр. Бүгінде, мемлекет қамқорлығының арқасында, еліміздің мал өсіретін ірі шаруашылықтары мал басын көбейтіп, жемшөп базасын ұлғайту мүмкіндігіне қол жеткізуде. 2020 жылға дейінгі мемлекеттік бағдарламаны сәтті жүзеге асыру үшін, ең алдымен, әкімшілік кедергілерді жойып, заңнамаларды жетілдіру қажет. Жолдауды насихаттау бойынша аймақтарда болғанымызда байқағаным, кейбір ірі шаруашылықтар, бүгіннің өзінде қызу бәсекелестікке сақадай-сай дайын. Алматы облысының Балқаш ауданында осындай бірнеше шаруашылықтың тыныс-тіршілігімен танысып, жергілікті тұрғындармен жүздестік. Асыл тұқымды ірі қаралардан бөлек, мұнда қажетті техника, малдәрігерлік қызмет, жемшөп дайындайтын шаруашылық пен заманауи ет комбинаты бар. Мұнда жасалатын өнімді, қазір-ақ экспортқа ұялмай шығаруға болады.
Аймақтарды аралап жүріп сайлаушылармен жүздесулерде халық аманатын арқалағандар атынан Елбасының бұл Жолдауы бүгінімізді саралай отырып, келешегімізге жасалған үлкен жоба екенін мәлімдедік. Шын мәнінде бұл жолғы Жолдау жариялану мезгілі жағынан да, мазмұны жағынан да дәстүрлі жыл сайынғы Жолдаулардан айрықша, қоғамға мүлдем жаңа серпін берді. Жолдаудың басты мақсаты – Қазақстан халқының санасын, дүниетанымын өзгерту арқылы өмірін жақсарту, өмір сапасын күшейту, адамдардың өз өміріне деген жаңаша көзқарас ояту.
Ендігі жерде осы Стратегияның әр тармағы бойынша өзіне тиесілі жұмысты атқару бәрімізге мүлтіксіз міндеттеліп отыр. Басты мәселе Жолдаудың мақсаттары мен міндеттерін жүзеге асыру тек мемлекеттің міндеті деп қол қусырып отырмай, ел болып бірлесе іске көшуге тиіспіз. Бабаларымыз айтқан бір жеңнен қол, бір жағадан бас шығаратын шақ осы деп білемін.
Азамат ӘБІЛДАЕВ,
Парламент Мәжілісінің депутаты, «Ақ жол» партиясы парламенттік фракциясының мүшесі.