New Shepard кемесінде Безостың өзі, оның ағасы Марк, сондай-ақ 82 жастағы Уолли Франк пен 18 жастағы Оливер Дэмен болады. New Shepard Карман сызығын кесіп өтеді деп күтілуде. Ол - теңіз деңгейінен 100 шақырым биіктікте орналасып, ғарыш аймағының шекарасы деп есептелінеді.
Бұл миссия екі ерекшелігі бар - Дэмен ғарышқа ұшқан ең жас адам, ал Франк ең қарт адам болмақ.
Капсула зымыран ұшқаннан кейін үш минут өткен соң кемеден бөлініп шығады. Экипаждың жерді тамашалауға шамамен үш минут уақыты бар, кейін жерге төмендеу басталады. Ғарыш аумағындағы сапар шамамен 15 минутқа созылады.
Ұшу Солтүстік Америка уақыты бойынша 8:00-ге, яғни Нұр-Сұлтан уақыты бойынша 19:00-ге жоспарланған. Тікелейэфир бір жарым сағат бұрын, сағат 17:30-да басталады. Онда кеме мен астронавттардың ұшу алдындағы дайындығы көрсетіледі. YouTube-тегі Blue Origin ресми арнасында оқиғаны тікелей эфирде көруге болады.
