Әуелде, саяси додада бақ сынаушылардың саны 279 болса, қазіргі таңда 235-ті құрап отыр. 44 үміткер түрлі себептермен кандидаттар қатарынан алынып қалды. Сайлауға түсішілердің 82-і саяси партия өкілдері болса, 153 адам өзін-өзі ұсынушылар болып табылады.
«Бұған дейін Іле ауданы, Чапаев ауылында 9 кандидат тіркелді деп айтылған болатын. Бүгінде ресми деректер, аталған өңірде 5 сайлауға түсуші үміткер қалғанын растауда. Әкімдікке үміткерлер ең көп тіркелген аймақ ретінде Талғар ауданы танылып отыр. Мұнда бір орынға 6 адамнан айналуда», дейді Алматы облысы сайлау комиссиясының мүшесі Қаһарман Жақсылық.
Айта кетсек, Нұр-Сұлтан уақытымен таңғы сағат 7:00-ден бастап облыстағы барлық сайлау учаскелері өз жұмысын бастады. Тарихи сәтте өңірдің 220 мыңнан астам тұрғыны дауыс беруге қатысады деп күтілуде.
