Сайлау • 26 Шілде, 2021

Жоғары деңгейде ұйымдастырылды

37 рет көрсетілді

Мемлекет басшысы Қасым-Жомарт Тоқаевтың былтырғы халыққа Жолдауында берген тапсырмасына сәйкес елімізде алғаш рет ауыл әкімдерінің сайлауы өтті. Кеше Шығыс Қазақстан облысында 300-ден астам байқаушы бақылауда ұстады. Басты мақсат – сайлау үдерісінің ашық, таза және заң аясында өтуін қадағалау болды.

Байқаушылар бұл жұмысты асқан ынтамен атқарды деп ой­лаймын. Олай дейтінім, ауылдың ертеңгі өмірі, әл-ауқаты бүгінгі сайланған үміт­кердің жұмысына, іскерлігіне, тәжірибесіне байланысты бол­мақ. Осы сайлау  бір жағынан әкімдердің халық алдындағы жауапкершілігін арттырса, екінші жағынан халықтың қо­ғам­дағы мәселелерге араласып, белсенді болуына жол ашады.

Байқаушылар арнаулы оқы­тудан өтіп, заң норма­ла­рымен, мүмкін болатын жағдайлармен танысты. Оларды сайлау саласында 15 жылдан астам тәжірибесі бар мамандар даярлады. Айта кетерлігі, байқаушыларды не­ғұрлым жер­гілікті тұрғындар арасынан тарттық. Олар бүгін байқаушы болғанымен, ертең сол ауылда қарапайым тұрғын ретінде өмір сүреді. Сондықтан сайлаудың бұрмалаусыз өтуіне мүдделі болды.

Олардың айтуына қара­ғанда, бәрі заңға сәйкес өтті. Сани­тарлық нормалар сақ­талған, комиссия мүшелері өз жұмыстарын дұрыс атқарды. Ешқандай заңбұзушылық тір­келген жоқ.

 

 Аяужан ӘШІМОВА,

«Партиялық емес байқау орталығы» республикалық қоғамдық бірлестігі  облыстық филиаланың төрағасы

 

 Шығыс Қазақстан облысы

 

Соңғы жаңалықтар

Бар жақсымыз – балаларға

Қазақстан • Кеше

Алтын қыз

Спорт • Кеше

Талант пен талап

Әдебиет • Кеше

Әдеби өмірдегі әйелдер

Руханият • Кеше

Ұқсас жаңалықтар