ВАК-тың COVID-19 таратпау туралы хабарламасында қазіргі кезде республикада 1860 мобильді мониторинг тобы жұмыс істейтіні айтылған.
«Олардың қызметтерін талдау барысында маусым айында белсенділік пен жұмыс тиімділігінің 32%-ға төмендегені анықталды», деп атап өтті басылымда.
Түркістан, Алматы, Қарағанды және Атырау облыстарында жұмыс нәтижесі төмендеген. Ал Шымкентте, Алматыда және Жамбыл облысында тиімділік артқаны байқалады.
«Ashyq жобасы аясында 35 344 шағын және орта бизнес нысаны тексерілді. 482 кәсіпорында заң бұзушылықтар анықталды. Республикадағы мониторингтік топтар 1 қаңтардан 24 шілдеге дейін жалпы саны 132088 рейд жүргізіп, 758679 нысанды қамтығанын атап өткен жөн. 20158 нысанда шектеу шараларын бұзу дерегі анықталды.
Өткен кезеңде 19 026 адам, оның ішінде 11 376 кәсіпкерлік субъектілерінің өкілі және 7 650 жеке тұлға жауапкершілікке тартылды. Барлығы 1,5 миллиард теңгеден астам сомада айыппұл өндірілді. 91 нысанның қызметі тоқтатылды, сотқа 334 материал түсті», деп жазылған хабарламада.
