Әлем • 29 Шілде, 2021

Ауғанстан мен Ирак ШЫҰ қорғаныс министрлерінің назарында

23 рет көрсетілді

Еліміздің қорғаныс министрі генерал-лейтенант Нұрлан Ермекбаев Душанбе қаласында өтіп жатқан Шанхай ынтымақтастық ұйымына мүше мемлекеттер қорғаныс ведомстволары басшыларының кеңесі шеңберінде Қытайдың қорғаныс министрі генерал-полковник Вэй Фэнхэмен кездесті, сондай-ақ, іс-шараға қатысқан қорғаныс ведомстволарының басшыларымен келіссөздер жүргізді, деп хабарлайды Egemen.kz Қазақстан Республикасы Қорғаныс министрлігіне сілтеме жасап.

Шанхай ынтымақтастық ұйымы шеңберіндегі екі жақты және көп жақты әскери және әскери-техникалық ынтымақтастық өңірдегі, әсіресе Ауғанстан мен Ирактағы АҚШ пен НАТО әскери миссияларының аяқталуына байланысты қауіп-қатерлер санының артуын ескере отырып, ерекше маңызға ие болып отыр.

Қазақстанның Қорғаныс министрі бүгінгі күні өңірлік қана емес, жалпыәлемдік ауқымда да ролі айтарлықтай артып келе жатқан Шанхай ынтымақтастық ұйымының көптарапты бірлестік ретінде маңызды екенін атап өтті.

Нұрлан Ермекбаев қытайлық әріптесіне COVID-19 пандемиясына қарсы әрекет ету шеңберінде белсенді және нәтижелі ынтымақтастығы үшін ризашылығын білдірді. Оның айтуынша, өзара көмек елдегі эпидемиологиялық жағдайды тұрақтандыруға ықпал етеді.

Қорғаныс ведомстволарының басшылары Қазақстан мен Қытай қарулы күштері арасындағы ынтымақтастықтың бүгінгі күні жоғары деңгейде екенін, сондай-ақ оны одан әрі дамытуға әлеуеттің бар екенін атап өтті.

Генерал-лейтенант Нұрлан Ермекбаев қытайлық әріптесін Қазақстанға сапармен келуге шақырды.

Сонымен қатар, Шанхай ынтымақтастық ұйымының қорғаныс министрлері кеңесі барысында Беларусь, Қырғызстан, Пәкістан, Тәжікстан мен Өзбекстан қорғаныс ведомстволарының басшыларымен келіссөздер жүргізді. Тараптар әскери дайындық пен әскери білім беру, сондай-ақ қарулы күштер қызметінің басқа да өзекті бағыттары бойынша белсенді өзара іс-қимылды атап өтті.

Соңғы жаңалықтар

Чилидің Шолпан жұлдызы

Әдебиет • 20 Қыркүйек, 2021

Паспорт

Руханият • 20 Қыркүйек, 2021

Өмірге іңкәр, өнерге құштар

Қоғам • 20 Қыркүйек, 2021

Жеке пьеса жазуға лайық

Руханият • 20 Қыркүйек, 2021

Қарабатанға пропан жеткізбек

Экономика • 20 Қыркүйек, 2021

Ана мейірімі

Қоғам • 20 Қыркүйек, 2021

СҚО-да тұқым өндіретін зауыт салынуда

Аймақтар • 20 Қыркүйек, 2021

Ақтөбеде жол апатынан сәби көз жұмды

Аймақтар • 20 Қыркүйек, 2021

Алматыда қанша адам үй кезегінде тұр?

Аймақтар • 20 Қыркүйек, 2021

Ертең Үкімет отырысы өтеді

Үкімет • 20 Қыркүйек, 2021

Доллар арзандады

Қаржы • 20 Қыркүйек, 2021

Ұқсас жаңалықтар