Қазақстан • 30 Шілде, 2021

Қазақстанда жастар арасындағы жұмыссыздық деңгейі төмендеді

564 рет көрсетілді

Соңғы жарты жылда жастар арасындағы жұмыссыздық деңгейі біршама төмендеді, деп хабарлайды Egemen.kz Finprom.kz сайтына сілтеме жасап.

2021 жылдың бірінші тоқсанында Қазақстанда 15-28 жас аралығындағы 75,7 мың адам жұмыссыздар қатарында болды. Бұл 2020 жылдың бірінші тоқсанындағы бір жылға қарағанда 4,1 пайызға аз. Жастар арасындағы жұмыссыздық деңгейі өткен жылдың соңына қарағанда 1,2 пайызға төмендеді.

Жастар арасындағы жұмыссыздық деңгейі 3,8-ден 3,7 пайызға дейін біршама төмендеді. Қыздар арасында жұмыссыздық деңгейі 4,3 пайызды, жігіттер арасында 3,2 пайызды құрады.

Жұмыссыз жастардың көпшілігі, яғни 14,1 мың адам Алматыда тұрады. Сондай-ақ, Алматы облысы (8,5 мың адам) мен Нұр-Сұлтан (7,7 мың адам) қалалары көш бастап тұр.

Жастар арасында жұмыссыздардың 21,2 пайызы 1 айда, ал 27,7 пайызы 1 айдан 3 айға дейін жұмыс орнын іздейді.

Жұмыссыз жастардың 16,8 пайызы жарты жылдан бір жылға дейін жұмыс таба алмай жүреді. Бұл көрсеткіш өткен жылмен салыстырғанда 23,4 пайызға өскен. Бір жылдан астам уақыт жұмыс іздеп жүрген жұмыссыз жігіттер мен қыздардың саны бірден 55,5 пайызға өсті.

Соңғы жаңалықтар

Ізгіліктің алғашқы қадамы

Аймақтар • Бүгін, 00:11

Үш нысанның іргетасы қаланды

Аймақтар • Бүгін, 00:10

Кенияның көз жасы

Әдебиет • Кеше

Арыстанмен арбасу

Өнер • Кеше

Ұқсас жаңалықтар