![«Пәтер ұтып алдыңыз»: Сарыағашта алаяқ ұсталды](/media/2021/07/17/7bf62c07-2ec7-4f84-9ccf-2cb1d9939e83.jpeg)
Жәбірленушінің айтуынша, белгісіз адам қоңырау шалып «пәтер ұтып алдыңыз, оны алу үшін 500 000 теңге аударуыңыз керек» деп есепшотына ақша аудартып алған.
Аталған жайтты Сарыағаш АПБ-ның полицейлері ҚР Қылмыстық Кодексінің 190-бабы (Алаяқтық) бойынша тіркеп, іздестіру жұмыстарын бастап кетті.
Сарыағаш полицейлері жедел-іздестіру жұмыстарын жүргізіп, күдікті деп танылған Қарағанды қаласының тұрғынын анықтап, полиция бөліміне жеткізді.
Күдіктінің ақшаны өз қажетіне жаратқаны белгілі болды. Қазіргі таңда тәртіп сақшылары оқиғаның толық мән-жайын тексеріп жатыр.