Міне, осы айтылған кемшілікті жою мақсатында Қарқаралы жастар ресурстық орталығы бастама көтеріп, еріктілер табиғаттың тазалығы үшін күреске шықты. Еріктілердің туған жерге деген перзенттік сүйіспеншілігі тәнті етеді.
– Шайтанкөл – Қарқаралы ауданының інжу-маржаны. Жыл сайын көлдің жағасында жүздеген турист болады. Өкінішке қарай, олар көбінесе өздерінен кейін қоқыс тастап кетеді. Біз мұны көре тұра, қол қусырып отыра алмаймыз. Сондықтан қоқысты өз күшімізбен жинауды жөн көрдік, – дейді олар.
Шайтанкөлдің жағалау аумағын тазарту жұмыстарына JasStar еріктілер жасағының волонтерлері және «Жасыл ел» жастар отрядының сарбаздары бар, барлығы 15 жас атсалысты.
Қарқаралы ауданының жастар ресурстық орталығының директоры Ерсайын Қобланды еріктілердің арқасында көл аумағының қоқыстан тазарып, өзінің таза табиғи кейпіне қайта оралғанын мақтанышпен айтады. Жастар алдағы уақытта да Қарқаралыдағы көздің жауын алар сұлулықтың тазалағын жіті назарда ұстаймыз деп отыр.
Қарағанды облысы,
Қарқаралы ауданы
