![Бейруттегі аза тұту күні қақтығысқа ұласты](/media/2021/08/05/lian.jpg)
Басылымның мәліметінше, алдымен демонстрация бейбіт сипатта болды. Адамдар қала көшелерімен қолында қайтыс болған туыстарының суреттерімен шеруге шықты. Кешке қарай парламент пен экономика министрлігі ғимаратының жанында демонстранттардың полициямен қақтығыстары басталды. Адамдар тергеу нәтижелеріне наразылықтарын білдірді.
Олар тәртіп сақшыларына тастар мен бөтелкелерді лақтыра бастады. Жауап ретінде полицейлер көзден жас ағызатын газ бен су құбырларын қолдануға мәжбүр болды.
Аза тұту рәсіміне қатысушылар үкіметке қарсы ұран айтып, саяси көшбасшылардың отставкаға кетуін талап етті.
Атыс кезінде 20-ға жуық адам зардап шекті.
Еске салсақ, 2020 жылдың 4 тамызында Бейрут портында жарылыс болды. Жарылыс салдарынан қаладағы ғимараттардың жартысы бұзылды. Жарылыс 158 адамның өмірін қиып, 6 мыңнан астам адам жарақат алды деп хабарланған. Шамамен 300 мың адам баспанасыз қалды.
Жергілікті биліктің мәліметінше, жарылыстың себебі 2014 жылы кеден қызметтері тәркілеген қоймада сақталған 2750 тонна аммиак селитрасының жарылуы болды.
Осыдан кейін қалада үкіметке қарсы жаппай наразылықтар басталды. 10 тамызда Ливан Министрлер Кабинетінің екі мүшесі ақпарат министрі Манал Абдель Самад және қоршаған орта және әкімшілік даму министрі Дамианос Каттар бірден отставкаға кетті.