Өзінің айтуынша, Мейрамбек Аралбайұлы бұл видеоны кеше, 6 тамыз күні Каспий жағалауынан түсіріп алған.
«Биылғы ерекше ыстық пен қуаңшылықтан аңдар жағаға шығып қалған балықты қорек етуге мәжбүр болған сияқты» деп атап өтті видеограф Instagram парақшасында.
Видеодан ұрғашы қасқырдың төбеде айналып ұшып жүрген дронды көріп, қорыққаннан қаша жөнелгенін көруге болады.
Мейрамбек Аралбайұлы қызыл қасқыр бейқам тамақтанып алуы үшін видеотүсірілімді осы жерден тоқтатқан. Қызыл қасқыр - қасқыр тұқымдасына жататын жыртқыш сүтқоректі. Қазақстанда Тянь-Шань мен Жоңғар Алатауында кездеседі. Терісі бағалы, саны өте аз аң саналады.
Қызыл қасқыр Халықаралық табиғат қорғау одағы мен Қазақстанның «Қызыл кітабына» енгізілген.
