Саясат • 10 Тамыз, 2021

Азық-түлік қауіпсіздігін нығайту – ортақ мәселе

32 рет көрсетілді

Таяуда Азық-түлік қауіпсіздігі жөніндегі ислам ұйымының (АҚИҰ) Бас директоры Ерлан Байдәулет Каир қаласында Мысыр үкіметінің мүшелерімен және халықаралық ұйымдардың аймақтық департаменттерінің басшыларымен келіссөздер жүргізді.

Мысыр Араб Республикасының (МАР) Су ресурстары және ирригация министрі Мохаммад Әбдел-Атимен болған келіссөздерде тараптар Мысыр мен Азық-түлік қауіп­сіздігі жөніндегі ислам ұйы­мы­ның ынтымақтастығының қазір­гі жағдайы мен даму перспектива­ларын қарастырды. Ауыл ша­руа­­шылығында су ресурстарын бас­қару мәселелеріне ерекше назар аударылды. Тараптар ақпарат алмасуды жеделдету үшін орталықтарды тағайындауға және ұйымға мүше елдердің ауыл шаруашылығында су шаруашылығын жетілдіру бойынша іс-шаралар жоспарын әзірлеуге келісті. Пандемияны ескере отырып, ИЫҰ шеңберінде Global Drylands Allience, ICARDA, ICBA сияқты су ресурстарына қатыс­ты барлық институттармен ын­тымақ­тастықты жандандыру туралы пікір айтылды. Мысырлық министр АҚИҰ басшысын 2021 жылдың 24-28 қазанында өтетін Каирдегі су апталығына қатысуға шақырды. Шақыру қабылданды.

Сонымен қатар, Мысыр Араб Республикасы Азық-түлік қауіп­сіздігі ұлттық агенттігінің төрағасы, доктор Хусейн Мансурмен және БҰҰ Азық-түлік және ауыл ша­руа­шылығы ұйымы (ФАО) Бас директорының орынбасарымен және ФАО-ның Таяу Шығыс және Солтүстік Африка аймақтық өкілі, доктор Абдул Хаким Әл-Ваермен Каир кеңсесінде ZOOM форматында конференция өтті.

Құрғақ аймақтардағы ауыл­ша­руашылық зерттеулерінің халық­аралық орталығының (ICARDA) Бас директоры Әли Абусаба­мен кездесуде Азық-түлік қауіп­сіз­дігі жөніндегі ислам ұйымы­мен өзара түсіністік туралы ме­мо­ран­думға және жақын бола­шаққа арналған іс-шаралар жоспарына қол қойылды.

Ауыл шаруашылығы және мелиорация министрі Әл-Сайед Әл-Кусейрмен кездесу барысында ғы­­лы­ми зерттеулерге, технология­лар мен инновацияларға қатысты бағдарламаларға баса назар аударылып, ынтымақтастықтың бір­қатар өзекті тақырыптары тал­қылан­ды. Су ресурстарын бас­қару және өсімдік зиянкестері мен жануарлар ауруларының транс­шекаралық таралуына байланысты төтенше жағдайлардың алдын алу, сондай-ақ Мысыр тарапының 2021 жылдың 8-9 қыркүйегінде Нұр-Сұлтанда өтетін Азық-түлік қауіпсіздігі жөніндегі ислам ұйымы Бас Ассамблеясының IV сессиясына қатысуына ерекше назар аударылды.

Сол күні Мысыр Араб Респуб­ликасы Сыртқы істер министрінің көпжақты ынтымақтастық және халықаралық қауіпсіздік жөніндегі орынбасары Ихаб Бадавимен кездесу өткізілді, оның барысында Мысыр тарапының АҚИҰ-мен одан әрі жан-жақты ынтымақтастыққа бейімділігі байқалды.

Бас директор Е.Байдәулеттің сапары Мысыр мен Азық-түлік қауіпсіздігі жөніндегі ислам ұйы­мының позициясы көп­те­ген мә­селелерге сәйкес келеті­нін көрсет­ті. Жергілікті БАҚ келіссөз­дер­дің нәтижелеріне оң баға берді. АҚИҰ басшысы Таяу Шығыстағы ең ірі Nile TV International теле­арнасының президенті, кезінде Мысыр Араб Республикасы Ұлттық медиа агенттігі төрағасының орынбасары қызметін атқарған, доктор Тагрид Хусейнге 20 минуттық сұхбат берді.

 

Соңғы жаңалықтар

Мунгияның арманы – Головкин

Кәсіпқой бокс • Бүгін, 10:35

ҚазҰУ-да Тәуелсіздіктің онкүндігі басталды

Тәуелсіздіктің 30 жылдығы • Бүгін, 09:55

Ұқсас жаңалықтар