Ухань билігі бес күнде 11 млн адамды коронавирус тестінен өткізген

Ухань билігінің өкілі Ли Таоның айтуынша, бес күн ішінде қала тұрғындарының 6 жасқа дейінгілерін қоспағанда,  бәрінен ПТР тест алынған.

Жаппай тест науқаны кезінде 9 адамнан коронавирус анықталып, барлығы карантинге жіберілген.

Соңғы мәлімет бойынша, қалада коронавирус жұқтырғандар саны 37 адамға жеткен. Одан бөлек, 41 адам коронавирустың «симптомсыз» түріне шалдыққан.

Қала билігінің хабарлауынша, ПТР тест тапсыратын 2800 пунктіде 28 мыңнан астам медицина қызметкері жұмыс істеген.