Руханият • 10 Тамыз, 2021

Бейжіңде Абай оқулары өтті

71 рет көрсетілді

Бейжіңнің Чаоян саябағындағы Цзиньтай мұражайында Абай оқулары  өтті, деп хабарлайды Egemen.kz ҚазАқпарат тілшісіне сілтеме жасап.

Шара Абай ескерткішіне гүл қою рәсімінен басталды.

Оған Сыртқы істер министрлігі, ҚХР Мәдениет және туризм министрлігі, Қытайдың Шет елдермен достық қоғамы, ШЫҰ хатшылығының өкілдері, ТМД елдерінің Қытайдағы дипломатиялық миссияларының басшылары мен студенттер қатысты.

Қазақстан Республикасының ҚХР-дағы Елшісі Ғабит Қойшыбаев өз сөзінде Абай шығармашылығы, оның қазақ философиясы мен әдеби тілінің қалыптасуындағы рөлі туралы айтты.

«Осыдан жеті жыл бұрын, дәл осы жерде, Бейжіңнің қақ ортасында ұлы ақынымыз Абайға ескерткіш орнатылды. Бұл айтулы оқиға екіжақты мәдени-гуманитарлық ынтымақтастықта маңызды із қалдырып, Қытай жұртшылығын қазақ әдебиетінің классиктерімен таныстыру жолындағы кезекті қадам болды», деді ол.

Дипломат дарынды аудармашы Ха Хуанчжан Абайды қытай тіліне бірінші болып аударғанын еске салды. Атақты жазушы және әдебиеттанушы Акбар Мәжит те Абай шығармаларын қытай тіліне аударуға үлкен үлес қосқанын атап өтті.

Өз кезегінде қытайлық мүсінші Юань Сикун соңғы жылдары Бейжіңдегі ескерткішінің жанында Абай оқуларын өткізу жақсы дәстүрге айналғанын айтты.

«Жыл сайын осында Қазақстан мен Қытай жастары жиналып, Абайдың классикалық өлеңдерін оқиды», деді ол.

Шара барысында қазақ тілін оқып жатқан қытайлық студенттер мен Қытайда оқитын қазақстандық жастар, сондай-ақ қазақстандық дипломаттардың балалары Абай шығармаларынан үзінді оқып, қойылым көрсетті.

Соңғы жаңалықтар

Brent маркалы мұнай бағасы өсті

Экономика • Бүгін, 09:19

Алматыдағы алып мурал

Аймақтар • Бүгін, 09:15

Франциядан да жеңілді

Хоккей • Бүгін, 09:05

Әлкейді әлі зерттеу қажет

Аймақтар • Бүгін, 08:55

Ұлттық ұланда болды

Қазақстан • Бүгін, 08:52

Балаларға экзоскелет әпереді

Медицина • Бүгін, 08:43

Ел дамуының болашағына арналды

Қазақстан • Бүгін, 08:36

Ұқсас жаңалықтар