Оқиға • 11 Тамыз, 2021

Ақмола облысында жол апатынан 3 адам қайтыс болды

346 рет
көрсетілді
1 мин
оқу үшін

Ақмола облысында жол апатынан 3 адам көз жұмды, тағы 3 адам түрлі дене жарақатымен ауруханаға түсті, деп хабарлайды Egemen.kz.

Ақмола облысында жол апатынан 3 адам қайтыс болды

Облыстық Полиция департаментінің мәліметінше, жол апаты 9 тамызда сағат 12:10-да «Нұр-Сұлтан-Петропавл» автожолының 179 шақырымында болған.

«Анықталғандай, Нұр-Сұлтан қаласының 43 жастағы тұрғыны басқарған «Шкода» автокөлігінің жүргізушісі арақашықтықты сақтамай бір бағытта жүріп келе жатқан ZAZ Chance көлігімен соқтығысқан. Салдарынан ZAZ Chance көлігіндегі 24, 27 және 29 жастағы үш жолаушы (Нұр-Сұлтан қаласының тұрғындары) оқиға орнында көз жұмды. Ал, осы көліктің 23 жастағы жүргізушісі мен «Шкода» автокөлігінің 18 және 19 жастағы жолаушылары Бұланды аудандық ауруханасына жатқызылды», деді ведомстводан.

Қазіргі кезде, «Шкода» маркалы автокөлігінің жүргізушісіне қатысты сотқа дейінгі тергеу амалдары қолға алынды.