Облыстық денсаулық сақтау басқармасының баспасөз қызметінің ақпаратына сүйенсек, 11 тамызда «Вакцина ал да, ақша ұтып ал» ұтыс ойыны төртінші рет ойнатылды. Бұл жолы да 10 жеңімпаз анықталды.
Жеңімпаздың әрқайсысы 200 мың теңгенің сертификатына ие болды. Солардың қатарынла Атырау қаласының тұрғыны Нұрлан Қуанышев та бар. Төрт баланың әкесі «Спутник V» вакцинасының І компонентін салдырған.
«Коронавирусқа қарсы вакцинаны 6 тамызда Атыраудағы №7 қалалық емханада ектірген едім. Кездейсоқтық па, әлде сәттілік пе, дәл бүгін туған күнімде ұтыс иесі атанып отырмын. Бұл хабарды естіген жақындарым да қуанып жатыр», дейді Н.Қуанышев.
